PLE (1)

PLE ezberdinak ikusteko, PLE Diagrams web orrialdean sartu naiz, non jendearen PLE irudiak ikus daitezkeen. Ikusi ditudanetik, hurrengoak aurrerago jarriko ditudanak izan dira deigarriak iruditu zaizkidanak. Gehienetik gutxienera antolatu ditut, nahiz eta guztiak nabarmentzekoak diren, PLEa eratzeko modu oso ezberdinak baitira, batzuk konplexuagoak eta beste batzuk sinpleagoak.

Hau Jared Stein-ena da eta handiago ikusteko hemen klika dezakezue. Ikus daitekeen moduan, panel bat osatzen duten tresna edo baliabideen gelazkak dira, non analogikoak zein teknologikoak adierazten dituen. Mota bakoitzeko tresna edo baliabideei kolore bat jarri die, multzoak lortzeko. Hau da, agian tresna batek "x" egiteko balio du eta horregatik "y" lekuan jartzen du, baina funtzio antzekoa duten beste baliabide batzuekin lotura ezartzeko ezin duelako alboan jarri, kolore bera ematen die, multzo berekoa dela adierazteko. Osatuena dirudit, baina baita ulertzeko konplexuena ere. Izan ere, alboak eta koloreak erabiltzeaz gain, geziak erabiltzen ditu, erraminta zehatz batzuen artean erlazioak adierazteko.

Honakoa D'Arcy Norman-ek egindakoa da. Nahiko sinplea da; egiturak honela dio: ni blog/komunitate/flickr/twitter/email-en bidez jende azkarrarekin jartzen naiz harremanetan, eta beraiek nirekin. Tontakeria eta sinpleegia dela dirudien arren, zentzu handia duelakoan nago. Zertarako nahi dugu PLE bat, bada? Ikasteko. Horretarako, beraz, nire ikasteko beharra edo gogoa asetzeko ni baino jende jakintsuagoarekin harremanetan jarri beharko dut. Nire bezalako ezagutzak edo gutxiago badituzte, zer ikasiko dut? Adierazgarria oso, pentsatzeko era eta islatzeko modua, primerakoa. Zergatik ez dago lehenengo postuan? Azken finean, PLE batean informazioa jasotzeko, sortzeko eta partekatzeko baliabideak agertu behar dira, sare sozialek aipatutakoak bermatzen dituzten arren, "jende azkarra" idazleak edo adituak izan ohi direlako, eta jende askok perfil faltsuak sortzen dituzte. Hortaz, pentsa daiteke aditu horrekin harremanetan jar zaitezkeela pentsatzea eta gero gu bezalako beste norbait izatea.

Bukatzeko, David Álvarez-en My mobile PLE with Android aukeratu dut. Oso baliabide gutxi agertzen dira, egia da. Baina aurrekoan adierazi ditudan PLE baten hiru ezaugarrien adibide bana daukagu bederen. Ildo beretik jarraitux, honek ez zait deigarria iruditu aurkezten dituen tresnengatik. Zergatik orduan? Mugikorrarekin eta, hain zuzen ere, Android sistema eragilea duen mugikorra batek PLEa osatzen laguntzen dituen aplikazioak agertzen direlako eta horietako zenbait, modu berean, ordenagailu batean ere erabil daitezkeenak. Horregatik doa hirugarren postuan, ezberdina delako baina baliabide gutxi adierazten dituelako.