Ikasteko hainbat baliabide erabiltzen ditut, batzuk gehiago eta beste batzuk ez hainbeste. Ikus ditzagun horien zenbait adibide.
Google académicok informazioa bilatzen eta eskuratzen laguntzen du, baina Google bilatzaile orokorraeskaintzen duen baino informazio zehatzagoa eta fidagarriagoa da, liburuak, artikuluak eta horrelakoak erakusten baititu.
Google Drive, ordea, dokumentuak partekatzeko aukera ematen du, nahi dugun jende kopuruarekin, publikoa ere egin daiteke edonork ikusgai eduki dezan. Egia da hori Dropbox-ek ere egin dezakeela. Zein da desberdintasuna orduan? Google Drive-k partekatzeaz gain, partekatutako edonork dokumentu, ppt, excel... edita dezake edonon eta edonoiz, baldin eta interneta badauka.
Bukatzeko, sare sozialak Twitter, Linkedin eta Pinterest daude. Izan ere, hezkuntzari buruzko gauzak topatzen eta bilatzen ditut horietan. Twitter-raren kasuan, hezkuntza taldeak, hezkuntzan garrantzia dutenak eta horrelakoak jarraitzen ditut eta horiek hezkuntzari buruzko gauza nahiko interesgarriak argitaratzen dituzte. Linkedin-en, gauza antzekoa da, baina bertan taldeak daude, profesionalagoa da eta eztabaidak edota artikulu onak eta deigarriak aurki daitezke bertan. Pinterest-en aldiz, hezkuntzari buruzko hamaika gauza daude. Infografiak, poster digitalak, hezkuntzarako baliabideak... Twitter bezalakoa liteke, baina mezuak partekatu eta argitaratu ordez, irudiak edota dokumentuak partekatzen dira, izan ere jarraitzaileak daude sare horretan.
Ikasteko gutxien erabiltzen ditudanak, ostera, Youtube, Examtime eta Tiching dira. Baliagarriak dira eta aukera anitz eskaintzen dituzte, baina nik neuk gutxitan erabiltzen ditut.
Youtuben mota askotako bideoak aurki daitezke. Hain zuzen ere, hainbesteko aniztasuna dela eta, Youtuben beran atalka antolatzen ditu batzuk multzoak hauek direlarik:ezaguna, musika, komedia, filmak eta aisia, jokoak, edertasuna eta moda, telebistan ikusitakoa, automozioa, animazioak, kirolak, aholkuak eta tutorialak, zientzia eta hezkuntza, sukaldaritza eta osasuna, kausak eta irabazirik gabekoak, albisteak eta politika eta bizimodua. Gauza da, zaila dela jakitea bideo horiek baliagarritasuna duten ala ez, Wikipedian gertatzen den moduan (ikusi Wikipediako "zelula" sarrera posta).
Examtime ikasteko hainbat baliabide eskaintzen ditu ikaskuntza dinamikoagoa eta atseginagoa izan dezan. Bertan mapa mentalak, fitxak (ez dira eskoletan ematen diren modukoak, baizik eta Trivial Pursuit bezalakoak), apunteak eta testak sortzeko aukera eskaintzen du, beste tresna batzuez gain. Gainera, besteek jada jakin nahi dugun edota lantzen ari garen gaiari buruz zer egin duten ere ikus daiteke, lana eta denbora aurreztuz. Hortaz, potentzial handia dauka orrialdeak, baina nik neuk ez dut erabiltzen.
Sarrera honi amaiera emateko, Tiching-i buruz mintzatuko natzaizue. Tiching irakasleak, ikasleak eta familiak konektatzeko aukera ematen du, baita horien artean taldeak sortzeko ere, ikaskuntza komunitateak eratuz. Hemen hezkuntzarako baliagarri izan daitezkeen hainbat eta hainbat baliabide daude, testuliburu, paper-denda eta liburuez aparte. Hau ere oso orrialde ona da, betetzen duen funtzioagatik, hau da, hezkuntza komunitateak sortzea, eta baliabideak ikus eta erabil daitezkeelako. Oraintxe bertan ez dut erabiltzen, baliabideetan ikertuz gero baliagarria izan dakidakeen zer edo zer topatzeko aukerak izan arren, baina ez dut etorkizunean erabiltzea deuseztatzen.
